-274. ശോഭ

കാരുണ്യാമൃതരസ നയനങ്ങളും

പീതാംബരധര സുന്ദരജഘനവും!

ശംഖുചക്രഗദാ പത്മധാരിയാം ഭുജങ്ങളും

അനുദിനം കണിയായ്,  അതിരമണീയമായ് !!

തണലായ് വന്നു നീ തഴുകി എൻ മിഴികളിൽ

അലയായ് വന്നു നീ  അകതാരിൽ  അമൃതായ് !

അറിയാത്ത വഴികളിൽ നിഴലായ്, വിളക്കായ്

മനതാരിൽ നീയുടൻ  പൊൻതിരി   തെളിച്ചൂ !!

കീർത്തിയേറുന്ന നിൻ നാമ സങ്കീർത്തനം

സ്വരമാല ധാരയിൽ  കോർത്തിണക്കീ  ഞാൻ  !

ധർമ്മത്തിൻ മൂർത്തിമദ് ഭാവമായ് നിൻ തത്വം

മാനസേ വിരിയുന്ന മലരായി മാറി !!

Krishna Kripa 08-03-20