എന്നെ മറന്നുവോ… കണ്ണാ നീയിന്ന്…
എല്ലാം മറന്നുവോ… എന്നുടെ കണ്ണാ…
ഉള്ളിൽ നിറഞ്ഞൊരു… കാൽത്തള നാദം…
ഉള്ളിൽ വിതുമ്പുമീ… വിരഹത്തിൻ നാദം…
കനലായ് മാറുന്നു… നിൻ വേണുഗാനം…
കരളിൽ നിറയുന്നു… വിരഹത്തിൻ ഭാരം…
വരുമോ എൻ ജീവനേ… ഒരു നോക്കു കാണാൻ…
തരളമാം മനസ്സിൻ… പ്രണയ നിലാവു നീ…
കാളിന്ദി തീരത്തെ… കടമ്പിൻ ചുവട്ടിൽ…
കാതോർത്തു നിൽക്കുന്നു… നിൻ മുരളിഗാനം…
പൂത്തുലഞ്ഞ രാപ്പൂക്കൾ… പോലും ഇന്നിതാ…
കാത്തുകാത്തിരിക്കുന്നു… നിൻ വരവിനായ്..