New York

Call Us : +1 (516) 589-0669

544-Yamuna

- Yamuna

by

Krishna kripa

on

October 15, 2026
യമുനതൻ   കള കള  നാദമെഴുന്നോര പുണ്യസ്ഥലമാം വൃന്ദാവനിയിൽ
മുരളിക കൈയിലേന്തിയും പീതാമ്പരം ചാർത്തിയും
ഭക്തജനങ്ങളെ എന്നും തൃക്കൺ പാർത്തുരസിക്കും കാർവർണ്ണാ
നിന്നുടെ  പാദസുമത്തിൽ നമിക്കും ഭക്തനെ നിത്യം കാക്കണമേ
  ഭക്തനെ നിത്യം കാക്കണമേ
Verse 2
 തിരുവനമാല ഗളത്തിലണിഞ്ഞതി ശോഭയെഴുന്നോരു  വദനവുമായ്
 കനക കിരീടം  ചാർത്തിയ നിന്നുടെ   സുന്ദര രൂപം  കാണേണം
  നവനവ ദിവ്യാഭരണം ചാർത്തി പീതാമ്പരവുമഴകോടെ
ചാർത്തി വിളങ്ങിന   കോമളരൂപം   മായാതെന്നും  കാണേണം
മായാതെന്നും  കാണേണം
Verse 3
[instrumental]
 സുന്ദരമാം നിൻ തിരുനാമം  നിത്യം നാവിൽ ഉണരാനായ്
അന്തരംഗത്തിലെന്നും ഭക്തിയോടേ ഞാൻ വാഴ്ത്തുന്നു
സംസാര സാഗരത്തിൽ ഭയന്നുഴന്നു ഞാൻ നിന്നീടുമ്പോൾ
കൈനീട്ടി എന്നെയും കാത്തുകൊള്ളേണമേ കാർവർണ്ണാ
Outro  
 നിത്യം എന്നുടെ  നാവിൽ  നിന്നുടെ  നാമം മാത്രം വരുവതിനും
ഗോപാലകനാം  നിന്നുടെ  രൂപം ഹൃത്തിൽ  കാണുവതിന്നടിയൻ
കൈകൂപ്പിന്നു ത്രിപ്പ ദ താരിൽ വീഴ്ന്നു ഞാൻ ജഗദീശ
കാത്തരുളീടുക   ഗുരുവായൂരിലെഴും   നാരായണ ഹരി ഗോവിന്ദ
 കാത്തരുളീടുക   ഗുരുവായൂരിലെഴും   നാരായണ ഹരി ഗോവിന്ദ
കാത്തരുളീടുക   ഗുരുവായൂരിലെഴും   നാരായണ ഹരി ഗോവിന്ദ