എന്നോമനLink(Saraswathi)

——————————

ആരോടും ചൊല്ലാതെ ആരാരുമറിയാതെ

ആരോമലേ നീ എങ്ങു പോയി?

എന്നെ തനിച്ചാക്കി എങ്ങു പോയി?

ഇനിയെന്നും കാണാതെ മാഞ്ഞു പോയോ

പൈമ്പാല്‍ കറന്നു ഞാൻ കാച്ചിവെച്ചു കൂടെ-

കദളിപ്പഴവും കരുതിവെച്ചു.

വെള്ളരി നേദ്യം പകർന്നുവച്ചു ഒപ്പം-

ഉറ തൈരും വെണ്ണയും കാത്തു വെച്ചു.

കള്ളക്കളി വിട്ടു ഓടി വായോ

മണ്ണപ്പം ചുട്ടു കളിക്കണ്ടയോ

ഇപ്പൊ  വരാമെന്ന് ചൊല്ലിയില്ലേ?

പിന്നെ ഞാൻ കണ്ടതേയില്ല  കണ്ണാ …..

പഞ്ചാര പായസം വേണോ കണ്ണാ ?

പുഞ്ചിരി ചെഞ്ചുണ്ടിൽ വിരിയുന്നുവോ?

കള്ളനോട്ടത്തിൽ മയക്കി എന്നെ-

കൂട്ടാതെ എങ്ങും നീ പോകരുതേ….

പോകരുതേ കണ്ണാ പോകരുതേ

എന്നെ തനിച്ചാക്കി പോകരുതേ

സരസ്വതി കൃഷ്ണൻകുട്ടി  06-05-26