പൊൻകുണ്ഡലം!Link(Mughari)

ആടാടും മയിൽപ്പീലി ചൂടും കണ്ണാ – നിൻ

ചുവടുകൾക്കൊപ്പം ഞാൻ ഉരുകി നില്പൂ…

ഓടക്കുഴൽ നാദമായ് ഒഴുകി വായോ – നിൻ

ഓളങ്ങളിൽ ഞാനൊരു വെണ്ണയാകാം…

 കണ്ണിലെ തിളക്കമായ് കവിത പാടൂ – നിൻ

അധരത്തിൽ പുഞ്ചിരി അമൃതമാകൂ!

നുണക്കുഴി കവിളിലെ കുസൃതി കാണാൻ – നിൻ

കാതുകളിൽ ആടിടും പൊൻകുണ്ഡലം!

ഇളംകാറ്റിൽ ഇളകുന്ന തളിരില ത്താളം – നിൻ

പിഞ്ചു പദസര മുത്തായ്‌ കിലുങ്ങൂ!

ഓർമ്മയിൽ ഞാൻ നിന്റെ വെണ്ണയായ് മാറി – ഇതാ

കണ്ണാ നിൻ മുന്നിൽ ലയിച്ചലിയുന്നു!

Krishna Kripa 05-17-26