ഓമനക്കണ്ണൻ *Link(SAHANA)Link(Instr)

കണ്ണനുള്ള പാലു ഞാൻ കറന്നെടുത്തു   എൻ്റെ  –

സുന്ദരനായ്  പാലു ഞാൻ കാച്ചി   വച്ചു.

പൂക്കളറുത്തൊരു  മാലക്കെട്ടാം  കണ്ണാ –

പൂജാമുറി   വൃത്തിയാക്കി വെയ്ക്കാം കണ്ണാ –

പൂജാമുറി  ഞാൻ ഒരുക്കി വയ്ക്കാം

ഉണരുണരൂ  എൻ്റെ പൊൻ കിടാവേ

പരപരാ നേരം വെളുത്തുവല്ലോ

ഉറക്കം നടിച്ചു  കിടക്കല്ലേ കൺമണീ

കുറുമ്പൊന്നു കാട്ടി വലയ്ക്കല്ലേ  ഓമനേ….

നീണ്ടിടം പെട്ട  ആ   തിരുമിഴി   കോണിലെ

കാരുണ്യം മാത്രം മതിയെൻ്റെ കണ്ണാ

കഴുത്തിലെ പൊൻമണി മാലയ്ക്ക് ചേർന്നൊരു

വനമാല ഞാനൊന്നു ചാർത്തട്ടെ  കൺമണീ

ചന്തത്തിൽ ചാർത്തിയ    പീലിത്തിരുമുടി

അഴകാർന്ന നെറ്റിയിൽ  വീണ ചുരുൾ മുടി

തള വള മോതിരം  പാദസരങ്ങളും   അഴകേ-

കാണാൻ  എന്തൊരു ചന്തം 

നാരായണാ…ഹരേ ! നാരായണാ ….. നാരായണാ…. ഹരേ!  നാരായണാ….