ദീപാരാധന

Link  (Vinod Kumar)

Link(TRACK)


ദീപാരാധനയ്ക്കു നടയടയ്ക്കുമ്പോൾ, 

അഷ്ടപദിയിൽ ഞാൻ അലിയുമ്പോൾ,

നിന്നിൽ ലയിയ്ക്കും നിമിഷങ്ങളൊക്കെയും 

ദിവ്യമുഹൂർത്തങ്ങളല്ലോ — എന്റെ 

ധന്യമുഹൂർത്തങ്ങളല്ലോ.


ഞാനായ് നീ മാറും ദൃശ്യപരമ്പര 

കാണും ഞാൻ  വാതിൽപ്പഴുതിലൂടെ,

ചാരിയ വാതിൽപ്പഴുതിലൂടെ — ദേവാ 

പാതിയടഞ്ഞൊരെൻ മിഴിയിലൂടെ.


എന്നും ഞാനെത്തുമീ അമ്പലനടയിൽ 

ദീപാരാധനാ-സന്ധ്യകളിൽ,

മന്ത്രങ്ങൾ ദൃശ്യങ്ങൾ ആകുന്നുവോ — ഹരേ 

ഈശ്വരതത്വമായ് ഉയരുന്നുവോ ഞാൻ  ?


എന്നും ഞാൻ കാണുന്ന കണ്ണന്റെ കൺകളിൽ 

എന്നെ ഞാൻ കാണ്മൂ പ്രതിബിംബമായ്;

വേദങ്ങളിവിടെ പിറക്കുന്നുവോ,

അറിവുകേടെല്ലാം ഹനിയ് ക്കുന്നുവോ — ഹരേ 

ഒരു തിരി നാളം നിഴലകറ്റുംപോലെ  —

ഒരു ദീപനാളത്തിൽ തെളിയുന്ന പോലെ  
Satish Menon 05-30-18