നാമംhttps://www.youtube.com/embed/gpDKf7pOzbc

Link  (Audio- BijuNaraanan)

Link(TRACK)

ആത്മപ്രകാശമായ് ആനന്ദമായ്, കൃഷ്ണാ

അനുദിനം  എൻ നെഞ്ചിനാശ്വാസമേകൂ !

ആത്മാവു നീതന്നെയെന്നറിഞ്ഞുയരുമ്പോൾ

അസ്തമിക്കുന്നിതാ ദുഃഖം ഹൃദയത്തിൽ.

അറിവിന്നമൃതമായ് പൊഴിയും നിൻ മൊഴികൾ

കാവ്യമായെൻ വിരൽത്തുമ്പിൽ  തലോടീ ;

വിരിയാൻ വിതുമ്പുമെൻ കരളിലെ കൃതിക ളെ

നിന്റെയനുഗ്രഹം സ്വരമാലയാക്കീ !

നന്മനിറയുമീ നാമസങ്കീർത്തനം      

എന്നെ ഉയർത്തിയ രാഗസുധാലയം     

ആത്മാവിൽ നിൻ ജ്യോതി തെളിയുന്നു, കൃഷ്ണാ

അടിയന്റെ അഭയം നിൻ ചരണങ്ങൾ  മാത്രം .      

By Satish Menon 02-14-19