ഓർമ്മകൾ മേയുമീ അമ്പല മുറ്റത്ത്
തിരുവോണ നാളിലൊന്നെത്തുവാൻ മോഹം !
മന്ദസ്മിതം തൂകും തിരുമുഖം കാണുമ്പോൾ
അനുകരിക്കും സദാ അനുഗ്രഹമായി ഞാൻ !!
എന്നേക്കാളേറെയെന്നെ അറിയും കണ്ണാ
നിന്റെ കാലൊച്ചകൾ കേട്ടീടുവാൻ !
മൺതരികളറിയാതെ ഞാൻ നടക്കുമ്പോൾ
വിളിപ്പാടകലെ നീ നിൽക്കുന്ന പോലെ !!
നേത്രദ്വയങ്ങളിൽ കാണുമാ കാരുണ്യം
മുത്തായ് മാറ്റി എൻ അശ്രു കണങ്ങളെ !
ഒരുമാത്ര ഹൃദയേ നീ എത്തീടുമെങ്കിൽ
കല്പകാലം വെറും നിമിഷതുല്യം, പ്രഭോ!!
KrishnaKripa 02-27-21