ചന്ദനം

ചന്ദന മണമൂറും സുന്ദര വിരി മാറിൽ,

ചന്തത്തിൽ തല ചായ്ച്ചു മയങ്ങീടവേ,

ചടുലത പെരുകിയോരെൻ ഹൃദയ സ്പന്ദനം,

ചാരുതയോടൊരു സ്വപ്നം നെയ്തെടുത്തു

 ആയിരം കൈയ്യോടു നിന്നെ തഴുകിയും,

 ആ മേനി മെയ്യോടു ചേർത്തണച്ചും,

 അഭിലാഷ ജാലകം മെല്ലെ തുറക്കവേ,

 അനവദ്യ സുന്ദര ഭാവമേറി.

ഒരു നാളിൽ ചില മോഹം ഉള്ളിൽ തളിരിട്ട്,

ഒരു ചെറു നാമ്പായ് മുളച്ചീടവേ,

ഒരു നേരമെങ്കിലെൻ കൺമുന്നിൽ എത്തിയാൽ,

ഒരുപാട് കഥയുണ്ട്  പങ്കു വയ്ക്കാൻ.

അനവദ്യ= അവർണ്ണനീയം

ചടുലത = മനോഹാരിത

KrishnaKkripa 07-23-24