ശാന്തി
എല്ലാമറിയുന്ന ദേവാ
എന്റെ കന്മഷമെല്ലാം അകറ്റു
ശാന്തി ഞാൻ തേടി വരുന്നു
നിൻ തിരുചരണത്തിലെന്നും
പായപോൽ ആകാശംഞാൻ ചുരുട്ടും
എങ്കിലും ശാന്തി വിദൂരമല്ലോ
ദേവനെയറിയാതെ ശാന്തിയുണ്ടോ
നിത്യ ശാന്തിക്കായ് ഞാൻ കാത്തിരിക്കും, കൃഷ്ണ
നിന്നെഞാൻ എന്നും സ്മരിച്ചിരിക്കും
എല്ലാം ക്ഷമിക്കുന്ന ദേവാ
എന്റെ അജ്ഞാനമെല്ലാം ഹനിക്കു
നിൽക്കട്ടെ ഞാൻ തിരുമുമ്പിലെന്നും
കണ്ണിമയ്ക്കാതെയെൻ കണ്ണാ
നീ നയിച്ചാലുമീയെന്നെ
ശ്രേഷ്ഠ സനാതനധർമേ