Link(Aആത്മനാഥൻI)

(SimhedriMadyamam AI)

മൗനിയാം മുനിയുടെ ഭാവമണ്ഡലം പോലെ

മൗനാനുഭൂതിതൻ മടിത്തട്ടിൽ മയങ്ങവേ

ആത്മാനുരാഗത്തിൻ ആദ്യനൊമ്പരം

ആത്മനാഥാ ഞാൻ അരുളുവതെങ്ങിനെ ?

മോഹമുണർത്തും  നിൻ നീലമിഴിയിണ

മാനസം കവരുന്നു  ശൃംഗാര ലഹരിയാൽ

അരികത്തണയുമ്പോൾ കോരിത്തരിയ്ക്കും ഞാൻ

മൊഴിയുവതെങ്ങിനെ എന്നാത്മ ഭാവങ്ങൾ ?  

ആയിരം പരിഭവം പറയുവാൻ അറിയാതെ

ആ വിരിമാറിൽ ചായുവാൻ കഴിയാതെ

വാടിക്കൊഴിയുമെൻ മോഹത്തിൻ മലരുകൾ

നിൻ കാലടിയിൽ ഞാൻ കാഴ്ചവയ്ക്കും, നാഥാ

നിൻ കാലടിയിൽ ഞാൻ കാഴ്ചവയ്ക്കും

KrishnaKripa 04-10-22