Linkകുടമുല്ല(Deepthi)

 കുടമുല്ല  പൂനുള്ളി  മാലിക തീർക്കുമ്പോൾ

പുറകിലായി വന്നു നീ മിഴി പൊത്തിയോ, കൃഷ്ണാ !

നിൻ  മൃദുലാംഗുലി  സ്പർശനത്താലെ

വരമഞ്ഞൾക്കുറിയെൻ്റെ മാഞ്ഞു പോയോ ?

എൻമനോജാലക പഴുതിലൂടെ നീ

വൈകിയെന്നാകിലും ആഗമിച്ചപ്പോൾ

ശോകങ്ങൾ അകലുന്നു വിദൂരമെങ്ങോ

അരുണോദയത്തിലെ ഇരുളെന്നപോലെ

നിന്നെക്കുറിച്ചുള്ള സുന്ദര സ്വപ്‌നങ്ങൾ

ചുവടുകൾ വയ്‌ക്കും ഈ നീലരാവിൽ, കൃഷ്ണാ

ഒരുവാക്കു പറയാതെ അകലെ  നീ മറയാതെ

ഇരുളിൽ ഞാൻ ഏകനായ് കാത്തിരിപ്പൂ

KrishnaKripa 11-27-21