കലാ സൃഷ്ടി(S)

അറിയാതെ തളിരിടും സുന്ദര സ്വപ്നമേ,

അതിശയ വൈഭവാൽ നീ വിചിത്രം.    

കതിർ ചൂടും സങ്കൽപ്പ ലോകം ഞാൻ ഏറിയാൽ,

കനവുകളെ നിങ്ങൾക്കെന്തു ചേതം?            

ഒരുനാൾ വരും വന്നു ചേക്കേറും കനവുകൾ ,

ഒരുമിച്ചു നിത്യ വസന്തത്തിൽ ആറാടും. 

പൂർണ്ണചന്ദ്രോദയ പ്രഭയിൽ മയങ്ങുവാൻ,   

പട്ടുപുടവകൾ അണിയുമെൻ ഭാവന.                                      

ആത്മ ഭാവത്തിൻ കലാ സൃഷ്ടി തളിരിടും,          

ആത്മാവിൽ കവിതകൾ നാമ്പെടുക്കും.         

കതിരിടും കാവ്യ നികുഞ്ജ ത്തിൽ ഏറുവാൻ,               

കലികാലമേ നിനക്കില്ലേ കലാബോധം?

Krishna Kripa 03-27-24